СОДРЖИНА

Бенефитите на синхронизацијата на податоците во прехранбената индустрија

Работилница на тема: “Правилник за информации поврзани со храната и промоција на новиот лик на GS1 Kаталогот”

„Бенефитите на синхронизацијата на податоците во прехранбената индустрија“

    Прехранбената индустрија има трислоен дистрибутивен синџир кој се состои од произведувач, дистрибутер и оператор. GS1 идентификационите клучеви може да се користат низ целиот дистрибутивен синџир. Глобално уникатен систем на нумерирање на производите без преклопување е многу важен за транспарентни, ефикасни и евтини процеси.

    Секоја компанија има база на податоци со информациите за производите кои ги произведува, продава или купува. Овие бази на податоци играат улога на каталог, кој потрошувачите моеж да го користат за поставување на нарачки и менаџирање со производителите. Кога една компанија ќе ги промени или додаде нови информации во нивните бази на податоци, каталозите на нејзините трговски партнери не се повеќе синхронизирани. Овој проблем го решава синхронизацијата на податоците преку GDSN. GDSN нунди процеси за одржување на податоците синхронизирани, а во исто време успева во намалување на трошоците во дистрибутивниот синџир, нуди комплетни и точни податоци за производите и нуди основа за подобрена следливост.

Анализирање на повратокот на инвестицијата за GDSN

    Во претходните е-инфо весници ги потенциравме бенефитите кои што Вашата компанија ќе ги добие со нејзиното приклучување во GDSN. Меѓутоа, како и секој друг важен проект, трговските партнери мора да определат каков ќе биде повратокот на инвестицијата (ROI) од користењето на GDSN. Преку наредната анализа целта е да се демонстрира позитивниот повраток на инвестицијата за Вашата компанија преку подобро алоцирање на ограничените ресурси. Оваа анализа може да се користи како почетна точка за било која компанија врз основа на која може да се пресмета ROI.

    Постојат голем број функции и бизнис процеси на кои директно влијае или се директно подобрени со користењето на GDSN. Овие функции и бизнис процеси се користат како основа врз која се прави анализата на повратокот на инвестицијата. Според заедничката Accenture студија спроведена меѓу Grocery Suppliers Association (GMA), Food Marketing Institute (FMI), Wegmans Food Markets, Accenture LLP и 1SYNC.

    Во студијата исто така се дискутираат некои дополнителни бенефити за трошоците и профитот:

    “Истражувањето идентификува многу специфични точки на повраток на инвестицијата кои се претпоставува дека се само основата на она што е можно да се постигне со глобална синхронизација на податоците. Дополнителни организациони заштеди и профит може да се обезбедат тргнувајќи од овие основни точки. Иако фокусот на истражувањето беше на бенефитите од синхронизацијата на податоците врз намалување на трошоците, глобалната синхронизација на податоците успева да понуди нови можности за зголемување на приходите. Успехот од синхронизацијата на податоците влијае врз многу функционални области во рамките на организацијата.”

    Со цел да се изврши анализа на повратокот на инвестицијата, може да се искористи листата на специфични точки понудена во следната табела. Анализата започнува со одредување на количеството на време и ресурси алоцирани од страна на вработените за секоја од овие функции. Воедно, потребно е да се вклучи и бројот на корекции на грешки од неавтоматското работење во секоја од функциите. Потенцијалните области за ROI (Return On Investment) се конзистентни низ целиот дистрибутивен синџир на прехранбената индустрија (набавувачите, дистрибутерите и операторите).