Глобален јазик на бизнисот Глобална канцеларија Аплицирај за бар код
Запознајте се со сите настани поврзани со формирањето и функционирањето на GS1 Македонија
Кои се тековните проекти на кои континуирано работи GS1 Македонија во соработка со своите членки?
Запознајте ги лидерите кои имаат огромен придонес во организацијата на GS1 Македонија
Ценовник за користење на GS1 број, GLN број и услуги поврзани со користењето на GS1 стандардите
Станете и Вие дел од семејството на 1200 активни членки на GS1 Македонија.
GS1 Македонија на 29.05.2013, по одржаната работилница со членките од Прилеп, ја посети компанијата “Комфи – Aнгел” ДОО Прилеп, оствари корисни разговори со менаџментот и со раководните лица за производниониот процес и имплементација на стандардите. При тоа, тимот на GS1 Македонија ги запозна со сите можности и бенефити од примената на GS1 стандардите во нивното работење, со цел да ја зголемат својата ефикасност во деловното работење и станат поконкурентни на странските пазари.
Компанијата “Комфи-Aнгел” стана членка на GS1 Maкедонија пред помалку од 1 година- од 01.11.2012, но веднаш започна да ги имплементира GS1 стандардите во нивното работење, согледувајќи ја полезноста од нивното користење во дистрибутивниот синџир. Користењето на бар кодовите и правилното означување на производите е особено значајно за развојот на “Комфи-Aнгел”, бидејќи најголемиот дел од производите (над 95%) се наменети за британскиот пазар, а постои тенденција за освојување на нови пазари. Токму користењето на глобално прифатените стандарди и бар кодови им овозможува непречена комуникација со трговските партнери и брз развој на интернационално ниво. Освен постоењето на посебен оддел задолжен за етикетирањето на производите, во рамките на “Комфи-Aнгел” исто така се врши и верификација на креираните бар кодови.
Во блиска иднина ќе започнат со имплементирање на GS1-128 бар кодови за означување на транспортните кутии и генерирање на GS1 логистички етикети на палетите, за да станат поконкурентни на странските пазари. Планираат и да започнат со означување на суровините и репро материјалите во процесот на производство, за да постигнат и интерна следливост.
Компанијата “Комфи-Ангел” e сместена во индустриската зона на Прилеп, на 4 km од центарот на Прилеп на простор од 11.000 м2. Со вкупно 600 вработени остварува производство на 190.000 единици неделно, кое може и да се зголеми во зависност од потребите на купувачите. Главната дејност на “Комфи-Aнгел” e производство на постелнина во различни дезени (перници, јоргани, прекривачи, заштитници за јоги, вреќи за спиење, завеси, итн). Воедно произведува и посебни производи, како што се водо-отпорни, анти-алергиски и огно-отпорни производи.
“Kомфи – Ангел” може да се пофали дека стана Гинисов рекордер. На 23 мај 2013, компанијата ја изработи најголемата перница во светот со димензии од 18 на 18 метри и со тежина над 5 тони, за помалку од 4 часа на плоштадот “Методија Андонов Ченто” во центарот на Прилеп.
Потврда за успешното имплементирање на меѓународните стандарди е и имплементирањето на ISO 9001:2000 стандардите во согласност со британската легислатива за здравје и заштита, но и големиот број на високи оценки и признанија низ светот.
Со широката палета на квалитетни производи, ентузијастичкиот тимски дух во менаџментот, имплементацијата на новите методи на производство, прифаќањето на меѓународните стандарди, меѓу кои и GS1 стандардите, оваа компанија е потврда за успех не само во Република Македонија, туку и во светски рамки.
Работилница "Правилно означување на транспортните кутии и палети по GS1 стандарди" - Прилеп
Веб страницата на Комфи Ангел АД - Прилеп
Настани
Новости